Altjóða hjartadagur er 29. september
28.
sep
2020
Hjartafelagið tekur undir við altjóða hjartafelagnum, sum heitir á okkum um at hugsa við hjartanum og at taka atlit til hjartað og hjartaheilsu í okkara gerandisdegi.
Tað hevur ongantíð verið meira umráðandi at hava hjartað í huga enn nú, Korona herjar.
Kanningar vísa, at hjartasjúklingar, eru í størri vanda fyri at fáa álvarsligar fylgjur av smittuni enn onnur.
Kanningar vísa eisini, at ein av fylgjunum av Koronasmittuni er langtíðarávirkan á hjartað, eisini hjá fólki, sum ikki vóru hjartasjúk áðrenn smittuna.
Afturat vanligu tilmælunum um handreinføri, frástøðu og munnbind, eru okkara tilmæli:
- Ert tú hjartasjúklingur, er umráðandi, at tú koppsetir teg móti beinkrími
- Ger alt tú kann, fyri at fáa dagliga rørslu í minsta lagi í 30 min. - hóast Koronu
- Et heilsugóðan og styrkjandi mat
- Legg av at roykja
- Ver saman við teimum, sum geva tær orku og gleði
Góðan hjartadag <3